Link açıqlığı

Donetskte vilâyetniñ hazine idaresi zapt etildi. Adamlar nefaqa ve içtimaiy yardımsız qala bileler


Donetskte boyevikler üçünci devlet müessisesini zapt ettiler: Milliy bank ve Maliye nazirliginiñ vilâyet idarelerinden soñ boyeviklerniñ nezareti altına vilâyetniñ hazine idaresi keçti.

Bu aqqında Donetsk vilâyet memuriyetiniñ reisi Serğiy Tarutanıñ beyanatında aytıla, dep haber ete Liga.

«Bugün «Donetsk halq cumhuriyetiniñ» silâlı boyevikleri Donets vilâyet hazine idaresiniñ işini blok ettiler. Böyle areketler Donetsk sakinleri içün eñ kergin aqibetlernen belgilene bile. Nefaqa, içtimaiy yardım tölemesi toqtatılacaq. Yüz biñlernen adamlar parasız qalacaq – devlet ise vatandaşlar ögünde olğan borclarnı ödemege azır», – dep aytıla beyanatta.

Tarutanıñ aytqanına köre, bugünge qadar tölev problemleri yerli hazine idareleri DNR boyevikleri tarafından zapt etilgen Slavânsk ve Slavânsk rayonında olğan edi.

Taruta zapt etkenlerni şu ande hazine idareleriniñ işini devam etmek içün imkân bermege çağırdı.
XS
SM
MD
LG