Link açıqlığı

AQŞ-nıñ Ukrainadaki elçisi Qırım «akimiyetini» yarımadada zоrbalıqnı toqtatmağa çağırdı


Ukrainada AQŞ elçisi Geoffrey Pyatt qırımtatar milliy Meclisiniñ insanlarnıñ ğayıp oluvı aqqında bildirüvine ve halqara teşkilâtlarğa Rusiye tarafından işğal etilgen Qırımda zorbalıqnı toqtatmaq ricasına cevap berdi.

O, Meclis ile fikirdeşligi aqqında Twitterde başta qırımatatarca, soñra rus tilinde yazdı.

«Qırımtatarlarnıñ gayıp oluvı ile bağlı Meclisniñ qasevetini añlaymız ve işğalci akimiyetni zorbalıqnı toqtatmağa çağıramız», – dep yazdı o.

Ukrainada AQŞ elçihanesi saytında nasıldır bir bildirüvler daa yoq.

Cuma künü, iyün 13-de, qırımatatar milliy Meclisi halqara uquq qorçalayıcı teşkilâtlarnı Qırımda tınç ealige qarşı etilgen zorbalıqnı toqtatmaq içün zaruriy areketlerni etmege çağırdı.
XS
SM
MD
LG