Link açıqlığı

Maydan yañı qanun boyunca Rada saylavlarınıñ ötkerilmesini talap etti


Kiyevdeki Mustaqillik meydanında faaller Yuqarı Radanıñ yañı qanun boyunca keçirilecek saylavlar ötkerilmesini talap ettiler, dep haber ete Azatlıq Radiosı.

Halq toplaşuvınıñ iştirakçileri iyün 17-de parlament binası yanında aktsiya keçirip, saylavlar aqqında yañı qanunlarnıñ qabul etilmesini talap etmege planlaştıralar. Böylece, cedveller açıq olmalı, parlamentke keçmek içün reylerniñ belgilengen sayısı arttırılmaq kerek.

«Ekinci talap – prezident Petro Poroşenko parlamentni dağıtıp, yañı saylav qanunı qabul etilgen soñ, saylavlar sanını belgilemeli», – aytıla miting rezolütsiyasında.

Faaller prezidentke muracaat etip, terrorizmge qarşı tedbirler devamında adamlarnıñ elâk oluvına alâqası olğan bir qaç memurnı işten boşatmağa çağırdılar.
XS
SM
MD
LG