Link açıqlığı

Moskvada ukrain arbiyleriniñ hatırasını añdılar


Moskvada Ukraina elçihanesi yanında aman-aman 20 rusiyeli ukrain arbiyleriniñ hatırasını añdı. UNİAN haber etkenine köre, toplaşqanlar şiarlarnı seslendirdiler: «Ukrainağa şan-şerefler olsun!», «Qaramanlar ölmey!», em de Ukraina gimnini icra ettiler. Aktsiya iştirakçileri ukrain diplomatik missiyası yanında çeçeklerni qoydılar.

Rusiye militsiyası matem aktsiyasınıñ keçirilmesine qarşı çıqmadı.

İyün 15 künü Ukrainada Matem künü olaraq ilân etildi. Malüm ki, cumaertesi künü Lugansk ve Donetsk vilâyetinde terrorizmge qarşı tedbirlerniñ iştirakçileri – arbiy adamlar elâk oldı. Böyle bir buyruqnı Ukraina prezidenti Petro Poroşenko imzaladı.

Dnepropetrovsk vilâyetinde matem künleri iyün 27-ne qadar devam etecek. Bu aqqında Dnepropetrovsk vilâyet devlet memuriyetiniñ reisi İgor Kolomoyskiyniñ emirinde aytıla.

İyünniñ 14-de gece Lugansk ava limanında boyevikler İL-76 Ukraina Silâlı Quvetleriniñ Ava quvetleriniñ arbiy-naqliye uçağını urıp tüşürdiler. Bu uçaq arbiylerni başqa yerge avuştıracaq edi. Uçaqta 49 arbiy adam bulundı.
XS
SM
MD
LG