Link açıqlığı

Saatnıñ esas haberi

Rusiye elçihanesine ücüm etkenler yaqalandı


Kiyevdeki Rusiye elçihanesi yanında ötkerilgen narazılıq aktsiyası iştirakçilerni, qabul etilgen diplomatik munasebetler ve diplomatik müessiselerni qoruv normalarına uymağan provokatsion areketler yapılması içün qullanmaları mümkün ediler. Bu aqqında Ukraina tış işler Nazirliginiñ beyanatında aytıla, dep haber ete Azatlıq Radiosı.

Berilgen malümatqa köre, Rusiye elçihanesine ücüm etken provokatorlar yaqalandı, diplomatik temsilcilikniñ havfsızlığını ğayrıdan tiklemek içün mahsus tedbirler alıp barıla.

Cumaertesi künü Kiyevdeki Rusiye elçihanesi yanında Rusiyeniñ Ukrainağa nisbeten alıp barğan siyasetine qarşı narazılıq aktsiyası ötkerildi. Numayışçılar Ukrainağa kirgen Rusiye tankları ve Luganskta separatistler tarafından urıp tüşürilgen İL-76 uçağında 46 adamnıñ elâk olmasınen bağlı açuvını kösterdiler. Narazılıq aktsiyasınıñ iştirakçileri Rusiye bayrağını tartıp aldılar, diplomatlarnıñ bir qaç maşinasını avdardılar, binağa yımırta ve boya attılar.

AQŞ Kiyevdeki Rusiye elçihanesine ücümni takbih etip, Ukraina akimiyetini çetel diplomatik temsilciliklerini qoruv boyunca halqara talaplarğa riayet etmege çağırdılar.
XS
SM
MD
LG