Rusiye Künü Aqmescitniñ stadionına OMON, «halq imayesi» ve cinayetçiler içün maşinalar ketirildi

Qırım «akimiyeti» Rusiye Künü Aqmescitniñ stadionına OMON, «halq imayesi» ve şeklengen ve qabaatlanğanlar içün maşinalarnı ketirdi.

Qırım.Aqiqat mühbiriniñ malümatına köre, mında içki qoqusı duyula, adamlar ise «Rusiye!Rusiye!» dep qıçıralar.

Stadionda atlılar tedbiri keçirildi. Yır ve oyun taqımları çıqışlarına azırlana.

Hatırlatamız, işğal etilgen Qırım sakinleri ve musafirleri Aqmescitteki stadionda «Ulu rus sözü» halqara festivalini yekünleycek büyük kontsertke toplaştılar.

Saat 19:30 (yerli vaqıt boyunca) Qırım.Aqiqat saytı Azatlıq Radiosınen beraber bayram tedbirleri keçirilgen yerlerni canlı yayında kösterecekler.