Link açıqlığı

Poroşenko ve Putin telefon vastasınen subetleştiler


Bugün Ukraina ve Rusiye prezidentleri Petro Poroşenko ve Vladimir Putin eki taraflı munasebetlerni telefon vastasınen muzakere ettiler.

Bunı Putinniñ matbuat kâtibi Dmitriy Peskov bildirdi, dep haber ete Azatlıq Radiosı.
Onıñ aytqanına köre, Poroşenko Ukraina şarqında vaziyetni barışıq yollar vastasınen al tüv planı aqqında Putinge tarif etti. Bir de bir tafsilâtlı malümat yoq.

Bundan evel Poroşenko ateşni bu aftanıñ soñuna qadar toqtatmaq kerek, dep bildirgen edi.

Hatırlatamız, Ukraina tış işler Nazirligi Ukraina prezidenti Petro Poroşenko ve Rusiye prezidenti Vladimir Putinniñ körüşüvine azırlanmay.

Bunı tış işler nazir vazifelerini eda etken Andriy Deşçitsa bildirdi.

Energetika meseleleri boyunca Avropa komissarı Günter Ettinger bildirdi ki, Ukraina ve Rusiye arasında gaz muzakereleriniñ şekli prezident derecesine qadar kenişletilecek. Lâkin Rusiye tış işler Nazirligi bu malümatnı tasdıqlamadı.
XS
SM
MD
LG