Bugün aqşam işğal etilgen Aqmescitte Rusiye Kününi qayd etmege devam etecekler.
Saat 19:30 (yerli vaqıt boyunca) Qırım.Aqiqat saytı Azatlıq Radiosınen beraber bayram tedbirleri keçirilgen yerlerni canlı yayında kösterecekler.
Bayram tedbirleri «Lokomotiv» stadionı yanında keçirilecek.
Qayd etmeli ki, ilk sefer işğal etilgen Qırımda Rusiye Künü resmiy devlet bayramı olaraq qayd etile.
Rusiye kününe bağışlanğan bayram tedbirleri programmasında birinci ve eñ müim tedbir olaraq «Bütünqırım Sabantuyı — 2014» milliy bayramı qayd etildi. Bayram tedbiri saat 10-ğa (yerli vaqıt boyunca) Aqmescitteki Salğır özeninde planlaştırılğan.
Bu tedbir içün mesülietli Qırımda Tatarstan cumhuriyetiniñ daimiy vekili İlmir Temirgaliyev – «Qırım baş naziriniñ birinci sabıq muavini» Rustam Temirgaliyevniñ babası ola.
Sabantuy – tatarlarnıñ mayısnıñ soñu ve iyün başı arasında qayd etilgen milliy bayramıdır.
İşğal etilgen Keriçte Rusiye Künü munasebetinen sızılğan samovar, balalayka ve evçik numayış etildi. Qırım.Aqiqat mühbiriniñ malümatına köre, istegenler foto çıqardılar.
Merkeziy meydanda hatıralıq noqtası çalıştı. Mında Rusiye timsallerinen meşrebe, mıqnatis, em de turistler sevgen «Qırım» yazısınen silecek satıldı.
Bunıñnen beraber, Keriçte Rusiye Kününe bağışlanğan ayaqmaşina yürüşi ötkerildi.
Qırım.Aqiqat mühbiri bildire ki, tedbirde bala ve büyükler iştirak etti. Ayaqmaşina yürüşi üç yıldan berli ötkerile. Bundan evel onı «Sağlam omür içün» dep adlandıra ediler. Bu sefer ise Rusiye Kününe bağışlamağa qarar alındı.
Rusiye Künü ve Aqyarnıñ temeli qoyulğan Kününe bağışlanğan tantanalı merasimler munasebetinen Devlet avtoinspektsiyası şeer merkezinde naqliyat areketini sıñırlay.
Cumaaqşamı künü, iyün 12-de, işğal etilgen Aqyarğa Moskva şeer yolbaşçısı Sergey Sobânin kelmek kerek.
Saat 19:30 (yerli vaqıt boyunca) Qırım.Aqiqat saytı Azatlıq Radiosınen beraber bayram tedbirleri keçirilgen yerlerni canlı yayında kösterecekler.
Bayram tedbirleri «Lokomotiv» stadionı yanında keçirilecek.
Qayd etmeli ki, ilk sefer işğal etilgen Qırımda Rusiye Künü resmiy devlet bayramı olaraq qayd etile.
Rusiye kününe bağışlanğan bayram tedbirleri programmasında birinci ve eñ müim tedbir olaraq «Bütünqırım Sabantuyı — 2014» milliy bayramı qayd etildi. Bayram tedbiri saat 10-ğa (yerli vaqıt boyunca) Aqmescitteki Salğır özeninde planlaştırılğan.
Bu tedbir içün mesülietli Qırımda Tatarstan cumhuriyetiniñ daimiy vekili İlmir Temirgaliyev – «Qırım baş naziriniñ birinci sabıq muavini» Rustam Temirgaliyevniñ babası ola.
Sabantuy – tatarlarnıñ mayısnıñ soñu ve iyün başı arasında qayd etilgen milliy bayramıdır.
İşğal etilgen Keriçte Rusiye Künü munasebetinen sızılğan samovar, balalayka ve evçik numayış etildi. Qırım.Aqiqat mühbiriniñ malümatına köre, istegenler foto çıqardılar.
Merkeziy meydanda hatıralıq noqtası çalıştı. Mında Rusiye timsallerinen meşrebe, mıqnatis, em de turistler sevgen «Qırım» yazısınen silecek satıldı.
Bunıñnen beraber, Keriçte Rusiye Kününe bağışlanğan ayaqmaşina yürüşi ötkerildi.
Qırım.Aqiqat mühbiri bildire ki, tedbirde bala ve büyükler iştirak etti. Ayaqmaşina yürüşi üç yıldan berli ötkerile. Bundan evel onı «Sağlam omür içün» dep adlandıra ediler. Bu sefer ise Rusiye Kününe bağışlamağa qarar alındı.
Rusiye Künü ve Aqyarnıñ temeli qoyulğan Kününe bağışlanğan tantanalı merasimler munasebetinen Devlet avtoinspektsiyası şeer merkezinde naqliyat areketini sıñırlay.
Cumaaqşamı künü, iyün 12-de, işğal etilgen Aqyarğa Moskva şeer yolbaşçısı Sergey Sobânin kelmek kerek.
