Link açıqlığı

Saatnıñ esas haberi

Qırım «ükümetinde» istifalar devam etecek, dep ayta Aksönov


Qırım «ükümetinde» eñ yaqın vaqıtta qabarcılıq sebebinden yañı istifalar olması mümkün.

Bunı Qırımnıñ öz başına ilân etilgen baş naziri Sergey Aksönov jurnalistlerge bildirdi.

«Bu künleri bir sıra istifalar olacaq», – dep ayttı o.

Onıñ bildirgenine köre, şimdi Qırımda memurlarnıñ qabarcılıq areketlerine alâqasını teşkergen teftiş komissiyası çalışa.

«Böyle birisi tapılsa, istifağa yollanılacaq», – dedi Aksönov.

O, şunı da qayd etti ki, onıñ birinci muavini Rustam Temirgaliyevniñ istifası qabarcılıqnen bağlı degil.

Aksönovnıñ malümatına köre, Temirgaliyev biznesnen oğraşacaq, şu sebepten oña devlet vazifelerini eda etmege tevsiye etilmey.

Çarşenbe künü, iyün 11-de, Qırım «parlamenti» Temirgaliyevniñ istifasına qol tuttı. Temirgaliyev qarar çoqtan alınğanını bildirip, tezden onı yarımadadan tış büyük siyasette körmek mümkün olacağını red etmedi.

Qırım «baş naziriniñ daa bir muavini» – Sergey Doniç meydanğa ketirilecek «Federal universitetniñ» yolbaşçısı olıp, vazifesinden boşatıla. Lâkin Doniçniñ namzeti ile bağlı bir de bir resmiy qarar daa olmadı.
XS
SM
MD
LG