Link açıqlığı

Rusiye kününe bağışlanğan bayram tedbirleri programmasında birinci ve eñ müim tedbir olaraq «Bütünqırım Sabantuyı — 2014» milliy bayramı qayd etildi. Bayram tedbiri saat 10-ğa (yerli vaqıt boyunca) Aqmescitteki Salğır özeninde planlaştırılğan.

Bu tedbir içün mesülietli Qırımda Tatarstan cumhuriyetiniñ daimiy vekili İlmir Temirgaliyev – «Qırım baş naziriniñ birinci sabıq muavini» Rustam Temirgaliyevniñ babası ola.

Sabantuy – tatarlarnıñ mayısnıñ soñu ve iyün başı arasında qayd etilgen milliy bayramıdır.

Bu eglence ve sport merasimidir, yarışlarda yalıñız sportçılar degil de, seyirciler de iştirak ete. Bu bayramnı Tatarstan ve oña yaqın yerleşken Başkortostanda keniş sürette qayd eteler.

Bu bayram Rusiyeniñ Qırım işğalinden evel de qayd etildi, mında em Tatarstan, em Ukraina musafirleri kele ediler.

Bundan ğayrı, cumaaqşamı künü, iyün 12-de, bütün kün devamında Aqmescitteki Trenöv bağçasında odalıq çeçeklerniñ sergisi ötkerilecek. Aqmescitte Salğır yalı kenarında «Slavsâ, strana, mı gordimsâ toboy!» aktsiyası keçirilecek. Onıñ çerçivesinde voleybol, tennis, basketbol boyunca ustalar tedbiri, minifutbol yarışı, boks yarışı, santıraç oyunı ve bir sıra diger sport yarışları ötkerilecek.

Qırım.Aqiqat saytı Azatlıq Radiosınen beraber bayram tedbirleri keçirilgen yerlerni canlı yayında kösterecekler.

Bu sene ilk sefer Qırımda Rusiye Künü resmiy devlet bayramı olaraq qayd etile. Bayram munasebeti ile bütün memleket ve işğal etilgen Qırım dört kün devamında raatlanacaqlar – iyün 12-15 künleri.
XS
SM
MD
LG