Link açıqlığı

Qırım baş naziriniñ sabıq muavini yañı cemaat teşkilâtınıñ reisdeşi oldı


Qırımda «Qırım Birligi» regional cemaat teşkilâtı meydanğa ketirildi, dep haber ete QHA. Yañı cemaat teşkilâtını tünevin Aqmescitte taqdim ettiler.

Teşkilât reisi Geniçesk rayon devlet memuriyetiniñ yolbaşçısı Seytumer Nimetullayev oldı, reisdeşi – Qırım baş naziriniñ sabıq muavini Aziz Abdullayev.

Teşkilât Qırım inkişafı programmaları, qanun çıqarıcı ve icra akimiyet organlarına teşebbüs tekliflerini azırlaycaq, Qırım içtimaiy-iqtisadiy inkişafı, şu cümleden qırımtatarlarnı abadanlaştıruv, programmalarını yerine ketirüv ketişatını nezaret etecek.

«Qırımtatarlar Vatanında yaşamalı, planlar, programmalar, temel yanaşma, aşağıdan ses olmasa, bu imkânsızdır. Bizler yaşamağa isteymiz ve mına programmamız aytacaq ses olamız», – dedi Abdullayev.

Teşkilât işiniñ müim yönelişleri topraq, içtimaiy teminlev, mesken, elektrik energiyasınen temin etüv, suv, gaz, emek, sağlıq saqlav, tasil, medeniyet ve sport ola.

Şimdi yañı teşkilât erkânında beş adam bar.
XS
SM
MD
LG