Link açıqlığı

BMT qaçaqlar işleri boyunca Yuqarı komissarnıñ İdaresi işğal etilgen Qırım ve Aqyardan Lvov vilâyetine köçip kelgen adamlarğa yekâne yardım töleviniñ tertibini azırladı.

Bunı Lvov vilâyet devlet memuriyetiniñ reisdeşi İrina Seh bildirdi.

«Yardım miqdarı 3-ten 7,5 biñ grivnağa qadar olacaq ve qorantada ufaq balalarnıñ sayısına bağlı. Studentler içün bir kerelik yardım 2 biñ grivnanı teşkil etecek. Şimdi LOGA içtimaiy qoruv departamenti hazine idaresinde para kelecek esapnı aça. Ümüt etem ki, bu yılnıñ soñuna qadar adamlar para alacaq», – dep qayd etti Seh.

Lvov vilâyet devlet memuriyetiniñ matbuat hızmeti bildire ki, Sehniñ aytqanına köre, bir kerelik yardımnıñ birinci qısmı ufaq balaları olğan qorantalar, aqayı olmağan qadınlar, saqatlar olğan aileler ve stipendiya almağan studentlerge berilecek.
XS
SM
MD
LG