Link açıqlığı

Bu sene ilk sefer Qırımda Rusiye Künü resmiy devlet bayramı olaraq qayd etile.

Yarımadada bayram tedbirleri cumaaqşamı künü, iyün 12-de, başlanacaq ve aftanıñ soñuna qadar devam etecek. Programma boyunca icadiy taqımlar, çalğı taqımlarınıñ çıqışları, sergi, em de «Bütünqırım Sabantuyı» milliy bayramı keçirilecek.

Qırım.Aqiqat saytı Azatlıq Radiosınen beraber bayram tedbirleri keçirilgen yerlerni canlı yayında kösterecekler.

Rusiye künü ya da Rusiyeniñ devlet mustaqilligi aqqında Beyannameni qabul etüv Künü iyün 12-de qayd etile. 1994 senesi bu kün resmiy bayram olaraq tanıldı, lâkin 2002 senesine qadar «Rusiye mustaqilliginiñ Künü» dep adlanğan edi.

Resmiy saytlarda Rusiye Kününi «azatlıq, vatandaşlıq barışığı ve episi insanlarnıñ qanun ve adalet esasında muabbetligi» dep adlana.

Bayram munasebeti ile bütün memleket ve işğal etilgen Qırım dört kün devamında raatlanacaqlar – iyün 12-15 künleri.
XS
SM
MD
LG