Link açıqlığı

Qırımtatarlarnıñ milliy lideri, Ukraina halq deputatı Mustafa Cemilev bildirdi ki, Qırım işğalinden soñ Moskva «qırımtatarlarnı bölecek eski sovet siyasetine» ümüt besley.

Azatlıq Radiosına bergen intervyüsında Cemilev dedi ki, Qırımtatar Milliy Meclisini işbirlikke çağırmaq ıntıluvları neticesiz olğan soñ, Qırımda «Meclis qapatıla ve yasaq etile bile».

Onıñ aytqanına köre, Rusiyeniñ Qırım işğali «Rusiye ve rus halqınıñ menfaatlarına zarar ketire bile» ve bu memleket içün «felâket yolu, izolâtsiya ve ürmetten marum qaluv» olması mümkün.

Qırımnıñ öz başına ilân etilgen akimiyeti mart ayında «referendum» neticelerine köre yarımada «mustaqilligini» ilân etti. Olarnıñ malümatına köre, yarımada sakinleriniñ çoqusı onıñ Ukraina terkibinden çıquvına qol tutqan eken. Aynı bu ayda Qırım Rusiye terkibine «kirdi».

Ukraina yolbaşçılığı bunı tanımay, yarımada ise qanun derecesinde işğal etilgen territoriya olaraq belgilendi.
XS
SM
MD
LG