Link açıqlığı

Soñki üç ay içinde Rusiye ve Ukraina arasında demir yol yolcu taşımaları 70%-ğa qadar qısqardı. Rusiye kütleviy haber vastalarınıñ malümatına köre, bunı «RJD» yolbaşçısınıñ muavini Mihail Akulov bildirdi.

«Soñki üç ay içinde 70%-ğa eksildi. Yanvar-fevral bir yoruq edi», – dedi Akulov.

Onıñ aytqanına köre, «Rusiye demir yolları» taşımalarnen oğraşa, Ukraina trenleri ise Rusiyede maniasız çalışa.

Akulovnıñ bildirgenine köre, Ukrainadan Qırımğa ketken yolcularnıñ sayısı çoq degil. Aynı vaqıtta, onıñ aytqanına köre, mayıs ayında Qırım yönelişinde Ukrainadan keçmeyip Anapa yolundan ketmek içün 72000 yekâne bilet satın alındı. Yekâne biletler demir yol, parom ve avtobus alâqalarını birleştire.

Keçken aynıñ soñunda «Ukrzaliznıtsâ» bildirdi ki, 2014 senesi iyün 1-den başlap işğal etilgen Qırım ve Rusiye yönelişinde yolcular az olğanından sebep trenlerniñ sayısı qısqartılacaq.

Yañı cedvelde Rusiye yönelişinde trenlerniñ 9 çifti lâğu etile, er kün qatnağan trenlerniñ 5 çifti ise eki künde bir kere yürecek.
XS
SM
MD
LG