Slavânsk şeerinde terrorizmge qarşı tedbirler devamında yaralanğan aman-aman 20 adamnı Lvovnıñ arbiy hastahanesine ketirdiler. Bu Ukrainanıñ farqlı regionlarından celp etilgen zabitler, arbiy hızmetçilerdir, dep haber ete Azatlıq Radiosı.
Erkeklerniñ esasen silâ ve parça yaralanuvları bar, ayaq ve qolları zararlandı. Eki arbiy adam ayaqsız qaldı. Arbiy hastahaneniñ baş cerrahı İvan Bogdannıñ aytqanına köre, yaralanğanlarnıñ alı bir qarar olıp qala.
«Bir qaç kişige ameliyat yapıldı, digerlerine daa yapılacaq. Birinci tibbiy yardım şarqiy regionlarda kösterilgen edi. Eki zarar körgen askerge protezirovaniye yapılacaq, çünki olar ayaqsız qaldılar. İlâclarımız yeterlidir», – dep ayta ekim.
Zararlanğanlardan biri, merkeziy Ukrainadan kelgen 21 yaşında arbiy eki aydan berli Slavânskta bulunğanını ayta.
«Anda cenk kete, anda ateş açalar ve öldüreler. Anda bir kimse oynamay, kerçekten öldüreler. Yahşı bir şey anda yoq. İyün 3-de menim ayağım ve qolum yaralandı, bu parça yaralanuvıdır. Şimdi ameliyatnı bekleyim. Şarqta cenk vaziyetni toqtatmaq içün eñ evelâ Rusiye ile sıñırnı qapatmaq kerek. Tuvğanlarım sağ qalğanıma quvanalar. Kelmemege rica ettim, çünki Lvovtan 700 kilometrlik yol», – dep bildirdi adını aytmamağa rica etken bir asker.
Tedaviylengen soñ kene şarqqa qaytacaq ola, anda onıñ arqadaşları hızmet ete ve olarnıñ ömürleri büyük risk altında qala.
Eñ yaqın vaqıtta hastahaneleri tolğan şarqiy regionlardan yaralanğanlarnı Lvovqa tahliye ete bileler. Lvov hastahanesi 600-den ziyade yaralanğan kişini qabul etmege azır.
Erkeklerniñ esasen silâ ve parça yaralanuvları bar, ayaq ve qolları zararlandı. Eki arbiy adam ayaqsız qaldı. Arbiy hastahaneniñ baş cerrahı İvan Bogdannıñ aytqanına köre, yaralanğanlarnıñ alı bir qarar olıp qala.
«Bir qaç kişige ameliyat yapıldı, digerlerine daa yapılacaq. Birinci tibbiy yardım şarqiy regionlarda kösterilgen edi. Eki zarar körgen askerge protezirovaniye yapılacaq, çünki olar ayaqsız qaldılar. İlâclarımız yeterlidir», – dep ayta ekim.
Zararlanğanlardan biri, merkeziy Ukrainadan kelgen 21 yaşında arbiy eki aydan berli Slavânskta bulunğanını ayta.
«Anda cenk kete, anda ateş açalar ve öldüreler. Anda bir kimse oynamay, kerçekten öldüreler. Yahşı bir şey anda yoq. İyün 3-de menim ayağım ve qolum yaralandı, bu parça yaralanuvıdır. Şimdi ameliyatnı bekleyim. Şarqta cenk vaziyetni toqtatmaq içün eñ evelâ Rusiye ile sıñırnı qapatmaq kerek. Tuvğanlarım sağ qalğanıma quvanalar. Kelmemege rica ettim, çünki Lvovtan 700 kilometrlik yol», – dep bildirdi adını aytmamağa rica etken bir asker.
Tedaviylengen soñ kene şarqqa qaytacaq ola, anda onıñ arqadaşları hızmet ete ve olarnıñ ömürleri büyük risk altında qala.
Eñ yaqın vaqıtta hastahaneleri tolğan şarqiy regionlardan yaralanğanlarnı Lvovqa tahliye ete bileler. Lvov hastahanesi 600-den ziyade yaralanğan kişini qabul etmege azır.
