Link açıqlığı

Qırım «prokurorını» eñ yaqın vaqıtta yarımadada keçirilecek yır yarışınıñ alternativ jürisi olaraq tayin ettiler, dep bildireler Rusiye kütleviy haber vastaları.

Bir qaç künden Yaltada başlanacaq «Beş yıldız» bütünrusiye yır yarışınıñ ananeviy jürisiniñ reisi İosif Kobzon ola. Onıñ erkânına Rusiye şou-biznesiniñ beş yıldızı kirdi: prodüserler Viktor Drobış ve İgor Matviyenko, yırcılar İrina Allegrova ve Yuriy Antonov.

Lâkin yaş icracılarğa Qırım «prokurorı» Natalya Poklonskaya da qıymet kesecek ve neticede ğalip namzetini teklif etecek.

Muzıka yarışı «Yevrovideniye» yarışınıñ Rusiye analogı – «İntervideniye» yarışınıñ milliy saylavı olacaqtır.

«Beş yıldız» yarışınıñ iştirakçileri Yaltağa keldiler ve azırlanalar. Olarnıñ çıqışları iyül 12-15 künlerine planlaştırılğan.
XS
SM
MD
LG