Qırım sağlıq saqlav «naziri» Pötr Mihalçevskiy kendi istegine köre istifa aqqında ariza yazdı.
Bunı Aqmescitte ötkerilgen brifingde Qırımnıñ öz başına ilân etilgen baş naziri Sergey Aksönov jurnalistlerge bildirdi, dep haber ete Qırım «akimiyetine» yaqın olğan Krıminform saytı.
«Mihalçevskiy (istifağa) çıqtı, bugün qalğanlarını bekleymiz», – dep ayttı Aksönov. O, Mihalçevskiyniñ eki muavini ve cumhuriyetniñ tibbiy müessiseler reberlerini nazarda tuta edi.
O, olarnı «madde boyunca» işten boşatmamaq içün, özlerine ariza yazmağa teklif etti,
«Bu arqadaşlarğa prokuror urbasında doktornı yollamamaq içün bizler er keske ariza yazmağa teklif ettik. Ep bir olar işten boşatılacaq», – dedi Aksönov.
Qırım «ükümetiniñ» matbuat hızmeti bildire ki, bazarertesi künü, Aksönovnıñ aytqanına köre, yañı «nazir» tayin etilecek, birazdan ise onıñ muavinleri de peyda olacaq.
«Baş ekim vazifelerine namzetlerni bu tibbiy müessiselerniñ hadimleri tarafından zenaat birligi ile muzakereden soñ teklif etilecek», – dep ayttı Aksönov tibbiyet hadiminiñ Kününe bağışlanğan tantanalı tedbirde.
Bu künleri Aksönov Qırım sağlıq saqlav «nazirliginiñ» reberligi ve baş hastahanelerniñ yolbaşçılarına istifağa çıqmağa teklif etti. Böyle bir qarar hastahanelerde alınğan «hayriye tölevler» ile bağlı. Şimdige qadar iç bir cumhuriyet hastahanesiniñ baş ekimi işten boşatuv aqqında ariza yazmadı.
Bunı Aqmescitte ötkerilgen brifingde Qırımnıñ öz başına ilân etilgen baş naziri Sergey Aksönov jurnalistlerge bildirdi, dep haber ete Qırım «akimiyetine» yaqın olğan Krıminform saytı.
«Mihalçevskiy (istifağa) çıqtı, bugün qalğanlarını bekleymiz», – dep ayttı Aksönov. O, Mihalçevskiyniñ eki muavini ve cumhuriyetniñ tibbiy müessiseler reberlerini nazarda tuta edi.
O, olarnı «madde boyunca» işten boşatmamaq içün, özlerine ariza yazmağa teklif etti,
«Bu arqadaşlarğa prokuror urbasında doktornı yollamamaq içün bizler er keske ariza yazmağa teklif ettik. Ep bir olar işten boşatılacaq», – dedi Aksönov.
Qırım «ükümetiniñ» matbuat hızmeti bildire ki, bazarertesi künü, Aksönovnıñ aytqanına köre, yañı «nazir» tayin etilecek, birazdan ise onıñ muavinleri de peyda olacaq.
«Baş ekim vazifelerine namzetlerni bu tibbiy müessiselerniñ hadimleri tarafından zenaat birligi ile muzakereden soñ teklif etilecek», – dep ayttı Aksönov tibbiyet hadiminiñ Kününe bağışlanğan tantanalı tedbirde.
Bu künleri Aksönov Qırım sağlıq saqlav «nazirliginiñ» reberligi ve baş hastahanelerniñ yolbaşçılarına istifağa çıqmağa teklif etti. Böyle bir qarar hastahanelerde alınğan «hayriye tölevler» ile bağlı. Şimdige qadar iç bir cumhuriyet hastahanesiniñ baş ekimi işten boşatuv aqqında ariza yazmadı.
