Rusiye memurları ve iş adamları Qırımğa barıp keleler, lâkin añlaşmalar tizmeyler. Kurort mevsimi havf altında qala. Bergi tölemek qıyın ola, çünki banklar pek az. İleride ise Rusiye qaideleri boyunca ğayrıdan qayd etilmek kerek.
Bunıñ kibi şikâyetlerni Rusiye tarafından işğal etilgen Qırımnıñ iş adamları «Delovaya Rossiya» umumrusiye cemaat teşkilâtına yollaylar, dep haber ete Novosti Krıma.
İş adamlarınıñ mektübinde qayd etilgenine köre, cumhuriyetni bir sıra Rusiye memurları ve iş adamları ziyaret etse de, bu ziyaretler neticesinde turistik saada işbirlik aqqında bir de bir añlaşmalar tizilmedi.
«Devlet büceti ve devlet müessiseleri tarafından satın alınğan yollamalar yoq, yalıñız faydasız olğan şahsiy satuvlar ola», – denile mektüpte.
Olar naqliye meselesini de qayd eteler: ava seferleri yetişmey, Keriç keçitiniñ kirgizüv imkânları ise alâ da alçaq derecede qala. Logistika neticesinde mallar fiyatı da arta.
«Bunıñ neticesinde ticaret ağları qalğan ve qanunsız alda ketirilgen mahsulatnı satalar – müşteriler içün daa ziyade yaqın olğan ve fiyatı bir qarar olğan», – aytıla beyanatta.
NDS ayrı bir mesele: qıtaiy Rusiyede o 18% teşkil ete, Qırımda – 4%, onıñ içün Rusiye mallarını satın alğan Qırım şirketleri ödev olacağına ümüt etip olamaylar.
İş adamları Rusiye bergi sistemasında ğayrıdan qayd etüvnen bağlı problemler olacaq, dep tahmin eteler. Ğayrıdan qayd etüv iyül 1-de başlana, o, yalıñız Aqmescitte olacaq. Bundan sebep kene de uzun nevbetler olacaq ve diger rayonlarnıñ sakinleri bir sıra qıyınlıqlarnı rastketirecekler.
Onıñ içün iş adamları iyün 1-de yekünlengen bergilerni vaqtında ödemegenleri sebebinden para cezalarını belgilev yasağını qaldırmağa rica eteler.
Bunıñ kibi şikâyetlerni Rusiye tarafından işğal etilgen Qırımnıñ iş adamları «Delovaya Rossiya» umumrusiye cemaat teşkilâtına yollaylar, dep haber ete Novosti Krıma.
İş adamlarınıñ mektübinde qayd etilgenine köre, cumhuriyetni bir sıra Rusiye memurları ve iş adamları ziyaret etse de, bu ziyaretler neticesinde turistik saada işbirlik aqqında bir de bir añlaşmalar tizilmedi.
«Devlet büceti ve devlet müessiseleri tarafından satın alınğan yollamalar yoq, yalıñız faydasız olğan şahsiy satuvlar ola», – denile mektüpte.
Olar naqliye meselesini de qayd eteler: ava seferleri yetişmey, Keriç keçitiniñ kirgizüv imkânları ise alâ da alçaq derecede qala. Logistika neticesinde mallar fiyatı da arta.
«Bunıñ neticesinde ticaret ağları qalğan ve qanunsız alda ketirilgen mahsulatnı satalar – müşteriler içün daa ziyade yaqın olğan ve fiyatı bir qarar olğan», – aytıla beyanatta.
NDS ayrı bir mesele: qıtaiy Rusiyede o 18% teşkil ete, Qırımda – 4%, onıñ içün Rusiye mallarını satın alğan Qırım şirketleri ödev olacağına ümüt etip olamaylar.
İş adamları Rusiye bergi sistemasında ğayrıdan qayd etüvnen bağlı problemler olacaq, dep tahmin eteler. Ğayrıdan qayd etüv iyül 1-de başlana, o, yalıñız Aqmescitte olacaq. Bundan sebep kene de uzun nevbetler olacaq ve diger rayonlarnıñ sakinleri bir sıra qıyınlıqlarnı rastketirecekler.
Onıñ içün iş adamları iyün 1-de yekünlengen bergilerni vaqtında ödemegenleri sebebinden para cezalarını belgilev yasağını qaldırmağa rica eteler.
