Brüsselde Rusiye-Ukraina Avropa Birliginiñ iştiraki ile keçirilgen gaz muzakereleriniñ nevbetteki basamağı añlaşmasız yekünlendi. Bunı yedi saatten ziyade devam etken munaqaşadan soñ energetika boyunca Avropa komissarı Günter Ettinger bildirdi, dep haber etti Azatlıq Radiosı.
Muzakerelerniñ bazı bir tafsilâtlarnı Ukraina energetika naziri Yuriy Prodan aydınlattı.
«Yazıq ki, bugün añlaşma tizip olamadıq. Bizler fiyat meselesini al etip olamadıq. Yazıq ki, bizler ögge bir adım atmadıq, muzakerelerniñ iyün 2-de olğan aynı basamağında qalamız», – dep qayd etti Ukraina naziri.
Avropa komissarı Ettinger dedi ki, muzakereler «salı künü aqşam saat doquzda ya da çarşenbe künü saba saat doquzda devam etmesi mümkün». Bunıñnen beraber, onıñ aytqanına köre, Rusiye, Ukraina ve Avropa Birligi «yañlış areketler yapmamağa» añlaştılar.
Aynı vaqıtta, «Gazprom», Rusiye energetika naziri Aleksandr Novaknıñ aytqanına köre, Ukrainadan iyün 10-na qadar 2013 senesi noyabr-dekabr aylarında alğan gaz içün 1 milliard 454 million ve aprel-mayıs aylarında alğan yaqarlıq içün yarım million ödemesini talap ete.
Üç taraflı muzakerelerniñ ilk basamağı Brüsselde iyün 2-de olıp keçti.
Muzakerelerniñ bazı bir tafsilâtlarnı Ukraina energetika naziri Yuriy Prodan aydınlattı.
«Yazıq ki, bugün añlaşma tizip olamadıq. Bizler fiyat meselesini al etip olamadıq. Yazıq ki, bizler ögge bir adım atmadıq, muzakerelerniñ iyün 2-de olğan aynı basamağında qalamız», – dep qayd etti Ukraina naziri.
Avropa komissarı Ettinger dedi ki, muzakereler «salı künü aqşam saat doquzda ya da çarşenbe künü saba saat doquzda devam etmesi mümkün». Bunıñnen beraber, onıñ aytqanına köre, Rusiye, Ukraina ve Avropa Birligi «yañlış areketler yapmamağa» añlaştılar.
Aynı vaqıtta, «Gazprom», Rusiye energetika naziri Aleksandr Novaknıñ aytqanına köre, Ukrainadan iyün 10-na qadar 2013 senesi noyabr-dekabr aylarında alğan gaz içün 1 milliard 454 million ve aprel-mayıs aylarında alğan yaqarlıq içün yarım million ödemesini talap ete.
Üç taraflı muzakerelerniñ ilk basamağı Brüsselde iyün 2-de olıp keçti.
