Link açıqlığı

Saatnıñ esas haberi

Ukraina tış işler nazirligi: Kiyev, Moskva ve OSCE añlaştılar


Bazarertesi künü Ukraina prezidentiniñ barışıq planını yerine ketirüv boyunca üç taraflı kontakt gruppasınıñ iştirakçileri umumiy plannı qabul ettiler.

Bunı Ukraina tış işler Nazirligi bildirdi, dep haber ete Azatlıq Radiosı.

Ukraina, Rusiye ve OSCE vekilleri bu plannı yerine ketire bilecek esas basamaqlarnı belgilediler. Tış işler Nazirligi bu adım Donetsk ve Lugansk vilâyetlerinde vaziyetni al etmege yardım etecek, dep tüşüne. Körüşüv iştirakçileri bu şekildeki mesleatlar keçirilmesini devam ettirmege añlaştılar.

Rusiye tış işler naziri Sergey Lavrov bildirdi ki, Rusiye evel olğanı kibi Rusiye – Avropa Birligi – Ukraina formatında üç taraflı muzakereler keçirilmesini istey. O, Finlândiyada matbuat konferentsiyasında çıqışta bulunır eken, «Ukrainanıñ belli bir borcları bar – ve olar deñişmey qala – SNG serbest ticaret zonası çerçivesinde».

Bazarertesi künü, iyün 9-da, Ukraina tış işler naziri vazifelerini eda etken Mıhaylo Koval dedi ki, memleketniñ şarqiy regionlarında silâlı zıddiyet toqtatılmasınıñ esnası kete.
XS
SM
MD
LG