Link açıqlığı

Banklar qırımlılardan küpüralarnıñ ufaq parağа deñiştirüvi içün eñ azından 200 ruble ala


«Rusiyeli» Qırımda küpüralarnıñ ufaq parağa deñiştirüvi içün eñ azından 200 ruble alalar
.
Bunı Aqyar bankınıñ hızmetçisi bildirdi, dep haber ete 15 minut saytı.

O şunı da qayd etti ki, yuridik şahıslardan komissiya alınmay eken, digerlerden ise 10 % alına.

Deñişirüvni keçirmek içün şirket, teşkilâtnıñ temsilcisi pasportını köstermeli.

İşğal etilgen Qırım bankları ruble küpüralarnıñ ufaq parağa deñiştirüvi içün 10% alğanı keçken afta Aqyar iş adamlarından belli oldı.

Olarnıñ sözlerine köre, mahsulat fiyatları öyde de paalaştı, ufaq paranıñ qıtlığı ise olarnı daa köterecektir.

Bunıñ ile iş adamlarınıñ bazıları alâ daa ukrain grivnanı qabul ete. Bazı tükânlarda qaytımnı beralmayıp, satıcılar daa bir şey almağa rica ete, aks alda bir şey satmaylar.

Hatırlatamız, Rusiye Merkeziy bankı Qırımda ukrain banklarnıñ faaliyetni yasaq etti, olarnıñ yerine Rusiye banklarınıñ bölüklerini açmağa niyetinde.
XS
SM
MD
LG