Link açıqlığı

Moskva dey ki, elçiniñ Ukrainağa qaytması – «müsbet bir işarettir»


Rusiye elçisi Mihail Zurabovnıñ Ukrainağa qaytması Rusiyeniñ memleketler arasında tolu diplomatik munasebetler ğayrından tiklenmesine azırlığını qayd ete.

Bunı Federatsiya Şurasınıñ spikeri Valentina Matviyenko cumaertesi künü TVTS telekanalında «Pravo znat» yayınında bildirdi, dep haber ete RİA Novosti.

Bunıñnen beraber, onıñ aytqanına köre, Ukrainada siyasiy ve iqtisadiy buhrannı Rusiyesiz al etmek imkânsızdır. «Bizler Ukraina akimiyeti ve yañı saylanğan prezidentiniñ aqıl ferasetine ümüt etemiz», – dep qayd ete Federatsiya Şurasınıñ spikeri.

Matviyenko Poroşenkonıñ buhrannı al etüv meselesini Avropa Birligi ve AQŞ ile muzakere etmek niyetini hayal dep adladı.

Malüm olğanı kibi, fevral 23-de Zurabov «Ukrainada vaziyet kerginleşkeni sebebinden ve üküm sürgen vaziyetniñ er taraflı talili içün» Moskvağa çağırılğan edi.

İyün 7-de Ukrainadaki Rusiye elçisi Petro Poroşenkonıñ inauguratsiyasında iştirak etti.

XS
SM
MD
LG