Link açıqlığı

Saatnıñ esas haberi

Poroşenko: Barışıq al etüv muzakereleri başlana


Ukraina prezidenti saylavlarında ğalip çıqqan Petro Poroşenkonıñ Rusiye prezidenti Vladimir Putin ile körüşüvi kergin bir müitte keçse de, dialog oldı.

Bunı o Frenkistanda olıp keçken resmiy tedbirlerden soñ jurnalistlerge bildirdi, dep haber ete Ukrinform.

«Demek, barışıq al etüv muzakereleri başlana, ekincisi – bizler Rusiye tarafınıñ Ukraina saylavlarını tanuv aqqında beyanatnı eşittik ve üçüncisi – nevbetteki adımlar Rusiye tarafı ile keçirilecek ilk muzakerelerniñ neticelerinden soñ tahmin etilecek», – dedi Poroşenko.

O, körüşüvniñ ilk neticelerini çıqarıp, vaziyetni barışıq yollar vastasınen al etüvni muzakere etmek içün Ukrainağa Rusiyeniñ vekâletli temsilcisi kelecegini ayttı.

Qalğanını, Frenkistan prezidenti François Hollande ve Almaniyanıñ federal kantsleri Angela Merkel iştirak etken körüşüvde baqılğan meselelerni, onıñ iştirakçileri aydınlatmamağa qarar aldılar.

Poroşenkonıñ aytqanına köre, Ukraina qoyulğan maqsatlarğa israrlıqnen irişecek.

Rusiye prezidenti Vladimir Putin Ukrainanıñ yañı saylanğan prezidenti Petro Poroşenkonıñ memleket şarqında qan tökülmesini acele sürette toqtatmaq kerek fikirine qol tutqanını bildirdi.

Putin dedi ki, Poroşenko ile qısqa subet devamında iqtisadiy meseleler de baqıldı.
XS
SM
MD
LG