Link açıqlığı

Ahmetovnıñ Qırım şirketi Rusiye qanunları boyunca qayd etildi


Qırımda elektrik energiyasını bergen yekâne «DTEK Krımenergo» şirketi Rusiye qanunları boyunca qayd etildi.

Bunı Qırım «yaqarlıq ve energetika naziri» Sergey Kolobov yaza, dep haber ete İnterfaks-Ukraina.

«DTEK Krımenergo» mında Rusiye qanunlarınıñ talaplarına köre yañı filialnı açtılar», – dep ayttı Kolobov.

«DTEK Krımenergo» Rinat Ahmetovnıñ mülkiyetinde olğan «System Capital Management» maliye-sanayı gruppasınıñ bir qısmı olğan «DTEK» ukrain energetik şirketiniñ terkibinde edi.

Qırım «malümat naziri» Dmitriy Polonskiy bildirgenine köre, «DTEK Krımenergo» cumhuriyet «reberligi» ile muzakereler keçirgen soñ, ödevlerni ruble birleminde qabul etip başladı.
XS
SM
MD
LG