Link açıqlığı

Cuma künü Normandiyada Avropada ekinci cebe açılmasınıñ 70 yıllığı munasebetinen keçirilgen tedbirler çerçivesinde AQŞ ve Rusiye prezidentleri Barack Obama ve Vladimir Putinniñ adden-tış qısqa bir körüşüvi olıp keçti.

Bunı Frenkistan prezidentiniñ ofisinde bildirdiler, körüşüv ötkerilgenini AQŞ tarafı da tasdıqladı, dep haber ete Azatlıq Radiosı.

Obama memuriyetiniñ malümatına köre, onıñ Putin ile körüşüvi 10-15 daqqa devam etti.

Malüm ki, Ukrainanıñ yañı saylanğan prezidenti Petro Poroşenko da Putin ile qısqa bir körüşüv keçirdi. Prezidentler Ukrainada qan tökülmesiniñ tez sürette toqtatılması ve vaziyetni barışıq yollar vastasınen al etilmesine qol tutqanlarını bildirdiler.

Bunı Rusiye devlet yolbaşçısınıñ matbuat kâtibi Dmitriy Peskov bildirdi.

Hatırlatamız, Frenkistan prezidenti François Hollande bildirdi ki, bu körüşüv Rusiye tarafından Ukrainanıñ yañı devlet yolbaşçısı tanılmasına yol bere.
XS
SM
MD
LG