Cumaertesi künü, iyün 7-de, Qırımda «Vzaimodeystviye-2014» VII Halqara içtimaiy-siyasiy forumı keçirilecek.
Bunı Qırım «parlamentiniñ» matbuat hızmeti bildire.
Tedbir Yaltada, Livadiya saray-müzeyinde ötkerilecek.
«Forumda Qırım Cumhuriyeti Devlet Şurasınıñ reisi Vladimir Konstantinov maruzasınen çıqışta bulunacaq. Qırım Cumhuriyetiniñ yolbaşçı vazifelerini eda etken Sergey Aksönov, Qırım Federal bölgesinde Rusiye Federatsiyası Prezidentiniñ Vekâletli Vekili Oleg Belaventsev, Federal meclisi Federatsiya Şurası reisiniñ birinci muavini Aleksandr Torşinniñ çıqışları da planlaştırıla», – dep aytıla ilânda.
Matbuat hızmetiniñ malümatına köre, tedbirde siyasiy erbaplar, siyasetşınas, medeniy-maarif ve ilmiy dairelerniñ temsilcileri iştirak etecek.
«Tedbir soñunda Qırım Cumhuriyeti Devlet Şurası ve Rostov vilâyetiniñ Qanun çıqarıcı Meclisi arasında işbirlik aqqında Añlaşma imzalanacaq», – dep bildireler Qırım «parlamentinde».
Rusiye vekillerinden ğayrı tedbirde başqaları iştirak etecekmi-yoqmı matbuat hızmeti bildirmey.
Bunı Qırım «parlamentiniñ» matbuat hızmeti bildire.
Tedbir Yaltada, Livadiya saray-müzeyinde ötkerilecek.
«Forumda Qırım Cumhuriyeti Devlet Şurasınıñ reisi Vladimir Konstantinov maruzasınen çıqışta bulunacaq. Qırım Cumhuriyetiniñ yolbaşçı vazifelerini eda etken Sergey Aksönov, Qırım Federal bölgesinde Rusiye Federatsiyası Prezidentiniñ Vekâletli Vekili Oleg Belaventsev, Federal meclisi Federatsiya Şurası reisiniñ birinci muavini Aleksandr Torşinniñ çıqışları da planlaştırıla», – dep aytıla ilânda.
Matbuat hızmetiniñ malümatına köre, tedbirde siyasiy erbaplar, siyasetşınas, medeniy-maarif ve ilmiy dairelerniñ temsilcileri iştirak etecek.
«Tedbir soñunda Qırım Cumhuriyeti Devlet Şurası ve Rostov vilâyetiniñ Qanun çıqarıcı Meclisi arasında işbirlik aqqında Añlaşma imzalanacaq», – dep bildireler Qırım «parlamentinde».
Rusiye vekillerinden ğayrı tedbirde başqaları iştirak etecekmi-yoqmı matbuat hızmeti bildirmey.
