Link açıqlığı

Qırım «prokurorı» Natalya Poklonskaya Qırım «ükümetine» yarımadada toplaşuv, miting, numayış, yürüş ve piket yerlerini belgileycek regional qaide uquq senetini azırlamağa teklif etti.

Bunı matbuat hızmeti bildire.

«Prokuraturada» qayd etkenlerine köre, bunıñ kibi qaide-uquq senetleri «bir taraftan, vatandaşlarnıñ barışıq aktsiyalar keçirmek anayasa aqqına riayet etecek, ekinci taraftan, menfiy tesir ete bilecek tedbirler keçirilmesiniñ havfsızlığını kefil eter edi».

Hatırlatamız, mayıs 16-dan iyün 6-na qadar, Qırımnıñ öz başına ilân etilgen baş naziri Sergey Aksönovnıñ emiri ile, yarımadada bir de bir kütleviy aktsiyalar keçirilmesi yasaq etildi. Bundan sebep qırımtatarlar Sürgünlik künü munasebetinen Aqmescitniñ Lenin meydanında ananeviy matem mitingini keçirip olamadılar.
XS
SM
MD
LG