Link açıqlığı

Rusiye ve Frenkistan prezidentleri Vladimir Putin ve François Hollande cumaaqşamı künü Yelisey sarayında bir buçuq saat devam etken muzakereler keçirdiler. Malümat agentlikleriniñ bildirgenine köre, muzakerelerniñ esas mevzusı Ukrainadaki buhrannı al etüv meselesi oldı, dep haber ete Azatlıq Radiosı.

Bloomberg agentligi bildire ki, bu künü Hollande eki kere üylelik yemegini aşadı: başta AQŞ prezidenti Barack Obama ile, soñra ise Rusiye prezidentinen ve er sefer esas aş aynı edi – Ukraina. Putin ve Hollande körüşüvinden soñ bir de bir şey aytılmadı.

Bloomberg bildirdi ki, Amerika lideri Frenkistan prezidentinen laf eter eken, Rusiyege «Mistral» frenk vertolöt taşıyıcılarınıñ satılması olarnı raatsızlay, dep bildirdi. Bunıñ devamını Barack Obama «Rusiyeni onıñ Ukrainada yapqanları içün qazanılmağan mukâfatnen taqdirlev» dep adladı.

Hollande ve Obama 18 memleketniñ lideri bulunacaq Normandiyada ingiltire-amerika ittifaqdaşlar orduları enmesiniñ 70 yıllığına bağışlanğan tedbirlerniñ Rusiye ve Ukraina arasında zıddiyetni al etüv meselesinde issesini muzakere ettiler.
XS
SM
MD
LG