Link açıqlığı

İsviçre Ukrainanıñ sabıq prezidenti Viktor Yanukoviç ve onıñ etrafında bulunğan insanlarnıñ esaplarındaki 137 mln yevronı blok etti.

Bunı İsviçre tış işler nazirligi halqara aqlar departamentiniñ reberine esaslanıp, «Nemetskaya volna» bildire, dep haber ete Azatlıq Radiosı.

Onıñ aytqanına köre, laf İsviçre akimiyeti ve prokuratura avalesinen blok etilgen esaplardaki paralar aqqında söz yürsetile: başta ükümet avalesinen 55 million yevro blok etti, soñra ise prokuratura bu parağa daa 82 million yevro qoştı.

İsviçre MİD vekili hatırlattı ki, Yanukoviç ve onıñ etrafında bulunğan insanlarnıñ esaplarını blok etüv aqqında qarar fevral 26-da qabul etildi. Valentin Tselveger dedi ki, birinci blok etüvler tez olıp keçti.

MİD vekiliniñ bildirgenine köre, böyle adımlar taqiqat içün malümat saqlanması, ve Ukrainağa qaytarılacaq sermiyalar saqlanmasına imkân berecek.

Tselveger dedi ki, Ukrainada üküm sürgen vaziyet, daa doğrusı – «daimiy qabarcılıq», sebebinden İsviçre bankları ukrain salımlarınen muqayt ola.
XS
SM
MD
LG