Link açıqlığı

İşğal etilgen yarımadadan mecburen ketken «PrivatBank» Qırım müşterileriniñ esapları alâ daa blok etile.

Qırımdan köçip ketkenlerniñ Qırım.Aqiqat saytına bergen malümatına köre, bank operatorlarına kerek olğan vesiqalar teslim etilse de, bir qaç aydan berli olarnıñ ödev kartları blok etilip qala.

Aprel 23-de Ukraina Milliy bankı er bir bankqa № N 25-111/18824 mektübini yollap, qıtaiy Ukrainada vaqtınca qayd etilgenini tasdıqlağan vesiqanı bergen adamlarnıñ esaplarından blokunı alıp taşlamağa rica etti. Mektüpte qayd etilgenine köre, böyle bir malümat kâğıtını Devlet migratsion hızmetiniñ bölüklerinde almaq mümkün.

Bundan ğayrı, banklar Ukraina içtimaiy siyaset Nazirligi bergen «memleket içinde yaşav yerine deñiştirgen adamlar cedveline» kirsetüv aqqında malümat kâğıtını teslim etken adamlarnıñ esaplarından blokunı alıp taşlamaq kerekler.

Lâkin, köçip kelgenlerniñ aytqanına köre, «PrivatBank» Milliy bank tevsiyelerine qulaq asmay. Aynı vaqıtta maliye müessisesi bu malümatnı red ete.

Ukraina iqtisadiyatçılar Komitetiniñ yolbaşçısı Andrey Novaknıñ fikirince, birazdan banklar yatırımcılar parasını ödeycekler, lâkin şimdi bu işniñ incelikleri añlaşılmay.

Tafsilâtlıca Qırım.Aqiqat saytınıñ malümatında oquñız – Ne vaqıt «PrivatBank» qırımlılarğa para ödeycek?

XS
SM
MD
LG