Link açıqlığı

Avropa şurasınıñ reisi Herman Van Rompuy bildirdi ki, Avropa Birligi ve Ukraina assotsiatsiya Añlaşmasınıñ qalğan qısmını iyün 27-ne qadar imzalaycaqlar, dep bildire UNİAN.

«Bizler Ukrainanen siyasiy qısımnı endi imzaladıq, qalğan iqtisadiy qısımnı iyün 27-ne qadar imzalaycaqmız», – dedi o.

Avropa Şurasınıñ reisi hatırlattı ki, bu künge Moldova ve Gürcistan ile assotsiatsiya aqqında Añlaşma imzalanması belgilengen. Tedbirde Avropa Birligi memleketleriniñ ükümetleri ve devletleriniñ 28 yolbaşçısı iştirak etecek.

Hatırlatamız, mart 21-de Ukraina muracaatınen Ukraina ve Avropa Birligi arasında assotsiatsiya Añlaşmasınıñ siyasiy qısmı imzalandı. Avropa Birligi Ukrainağa umumiy yardım olaraq ukrain mahsulatına ital bergilerni lâğu etti, böyleliknen Kiyev er yıl 500 mln yevro qazana bile.

Añlaşmanıñ iqtisadiy qısmında teren serbest ticaret zonası aqqında aytıla.

Mayıs 29-da Ukraina tış işler naziri vazifelerini eda etken Andriy Deşçitsa bildirdi ki, Ukraina Avropa Birligi ile assotsiatsiya Añlaşmasınıñ tolusınen imzalanması boyunca mesleatlar keçirmek niyetinde.

Mayıs 28-de Petro Poroşenko Ukraina ve Avropa Birligi arasında assotsiatsiya Añlaşmasınıñ iqtisadiy qısmını imzalav işini sozmamaq kerek, dep bildirdi.
XS
SM
MD
LG