Link açıqlığı

Poroşenko Putin ile Frenkistanda körüşe bile


Ukrainanıñ yañı saylanğan prezidenti Petro Poroşenkonıñ Rusiye prezidenti Vladimir Putinnen körüşüvi iyün 6-da Normandiyada (Frenkistan) planlaştırılmay, lâkin ötkerile bile.

Böyle etip Poroşenko brifingde bunıñnen bağlı berilgen sualge cevap berdi, dep haber ete Azatlıq Radiosı.

Onıñ aytqanına köre, bugün onıñ Avropa memleketleriniñ üyken reberleri ile körüşüvleri planlaştırıla.

Poroşenko iyün 6-da Frenkistannı ziyaret etip, Normandiyada ittifaqdaşlar orduları qonmasınıñ 70 yıllığınen bağlı tedbirlerde iştirak etecek.

Bu tedbirlerge Putinni de davet ettiler.

Hatırlatamız, Rusiye prezidenti Vladimir Putin AQŞ prezidenti Barack Obama ile dialog qurulmasına azır olğanını bildirdi, lâkin «qarar onıñ» olğanını ayttı.

Bunı Putin Frenkistan kütleviy haber vastalarına bildirdi.

Rusiye prezidenti Amerika memuriyetini ekiyüzlülik ve Rusiyeni onıñ Ukrainada yapqanları içün Rusiyeni ayırmaq «tecavuziy» ıntıluvlarında qabaatladı.

Putinniñ aytqanına köre, Ukraina şarqında «rus orduları ve arbiy talimatçıları yoq».
XS
SM
MD
LG