Link açıqlığı

Putin «Rusiyeli» Qırım sakinlerine eki vatandaşlıq içün cinaiy mesülietni alğışladı


2016 senesi yanvar 1-den başlap işğal etilgen Qırımda eki vatandaşlıqnı gizlegen insanlarnı cinaiy mesüliet bekley.

Bunıñ kibi qanunnı Rusiye prezidenti Vladimir Putin bugün, iyün 4-de, imzaladı.

Putin «Rusiye Federatsiyasınıñ vatandaşlığı aqqında» qanunğa kirsetilgen deñişmelerni imzaladı, olarğa binaen, devletten eki vatandaşlıq bar olğanını gizlegen şahıslar cinaiy mesülietke çekilecek.

Mayıs 23-de Devlet duması qanun deñişmelerini qabul etti ve mayıs 28-de Federatsiya Şurası olarnı tasdıqladı.

Olarğa köre, Rusiye vatandaşları diger devletniñ vatandaşlığını qabul etse, bunı eki ay içinde Federal migratsion hızmetine bildirmeli.

Aks alda 200 biñ rublege qadar cinaiy para cezası ya da 400 saatke qadar mecburiy işler olması mumkün. Eki vatandaşlıq aqqında yañlış malümat tarqatılması içün 500-den 1000 rublege qadar memuriy para cezası belgilene.
XS
SM
MD
LG