Link açıqlığı

Matbuat vastaları: Qırım uquq qoruyıcılarını Çeçnâ ve Dagestanğa yollaycaqlar


Qırım uquq qoruyıcılarına Çeçnâ ve Dagestan «yollanmaları» berilecek.

Bunı «IPC-Bolşaya Yalta» neşirine işğal etilgen Qırımnıñ uquq qoruyıcı organlarında olğan menbalar bildirdi.

Berilgen malümatqa köre, «yollanmalar» mecburiy olacaq ve yarım yıl sürmesi mümkün.

Qırım uquq qoruyıcıları vaziyet kergin olğan yerlerge yollanılacaq.

«Şimdi tamam belli oldı, bizni eñ yaqın vaqıtta Çeçnâ ya da Dagestanğa yollaycaqlar. Bizler eki yılda bir kere 6 ayğa baracağımız tahmin etile. «Qaynağan noqtalarğa» baracağımıznı ayttılar», – dep añlattı Qırım «OMONınıñ» hadimi.

Kütleviy haber vastaları mart ayında bergen malümatlarğa köre, Qırım arbiy hızmetçilerini ve uquq qoruyıcı organlarınıñ hadimlerini Rusiyege hızmetke yollaycaq olalar.
XS
SM
MD
LG