Link açıqlığı

Ğarp cezalarınıñ aqibetleri is etiplip başladı, ve Vladimir Putin etrafında olğan adamlar Qırımnı Ukrainağa qaytarmağa imkân berecek isyan kötere bileler.

Böyle bir fikirni qırımtatarlarnıñ lideri Mustafa Cemilev «BELSAT» telekanalına bildirdi.

O, dedi ki, Ğarp Qırım tezden qaytarılacağını vade ete.

«Men, sizler 1979 senesi Afğanistan işğalinden soñ cezalarnı kirsetken ediñiz, ve biz Sovetler Birligi dağıtılmasına qadar 10 yıl beklemege mecbur oldıq», – dep ayttı Cemilev.

Onıñ fikirince, Putin prezident olsa, Rusiye Qırım işğalinden vazgeçmez.

«Bu işğalniñ teşebbüsçisi olğan adam vazgeçmeycek. Onıñ içün ekseriyet Kreml akimiyeti deñişse, o da yekünleycegine ümüt ete», – dedi o.

«Bizler bilemiz de, Putin etrafında er şey yahşı degil. Bu cezalarnıñ aqibetleri endi is etile. İsyan içinde qopacaqtır. Cezalar ne qadar çoq olsa, o qadar tez sürette bu mesele al etilecek», – dep qoştı o.

O, şunı qayd etti ki, «doğrusını aytqanda, bizler Rusiye dağıtılmasından saqınamız».

«Çünki, ne de olsa, özek memleketi. Bu memlekette neler ola bile, bu da bizni raatsızlay», – dedi Cemilev.
Hatırlatamız, tünevin Varşavada Cemilevni demokratiya ve insan aq-uquqlarını qoruv içün «Birdemlik» mukâfatınen taqdirlediler.

Mukâfatnı Poloniya prezidenti Bronislav Komorovskiy Poloniyanıñ sabıq prezidenti Leh Valensa ile taqdim ettiler. Tedbirde diger memleketlerniñ onlarnen lideri iştirak etti.

«Böyle bir mukâfatnı Leh Valensa ile birlikte Mustafa Cemilevge bergenimden şeref duyam. Bu mukâfat sayesinde bizler öz Avropa birdemligimizni ifadeley bilemiz», – dedi Komorovskiy.

Tedbirde Poloniya tış işler naziri Radoslav Sikorskiy, İsveçiya tış işler naziri Karl Bildt ve prezident saylavlarında ğalip çıqqan Petro Poroşenko iştirak ettiler.

Soñkisi Qırım «tezden serbest olacağını» vade etti.
XS
SM
MD
LG