Link açıqlığı

Rusiye qomşu Ukrainada vaziyet eyileşmesine yardım etmese, onı yañı cezalar bekley, dep bildirdi Almaniya kantsleri Angela Merkel, haber ete Azatlıq Radiosı.

«Rusiye kendi sıñırlarını kerek olğanı qadar imaye etmey, bundan sebep şarqiy Ukrainağa boyevikler ve silâ kelip çıqa, bunıñ neticesinde bu memlekette vaziyet kerginleşe. Rusiye toqtamasa, bizler mıtlaqa qoşma cezalarnı kirsetecekmiz, mart ayında belgilengen cezalarnıñ üçünci derecesi», – dep qayd etti kantsler.

Merkelniñ aytqanına köre, Rusiye prezidenti Vladimir Putin öz itibarını qullanıp, separatistlerni zorbalıq ve qorquzuvlardan vazgeçmege, silânı teslim etmege ve zapt etilgen binalarnı boşatmağa çağırmalı. Bu adım müimdir.

«Bu barışıqqa qaytmasınıñ yekâne usulıdır», – dep bildirdi kantsler.

Kantsler Rusiye reberligini Ukrainanıñ yañı saylanğan prezidenti Petro Poroşenko ile bağ qurulmasına çağırdı.
XS
SM
MD
LG