Link açıqlığı

Rusiye prezidenti Vladimir Putin AQŞ prezidenti Barack Obama ile dialogğa azır olğanını bildirdi, lâkin «qarar onıñ», dep ayttı.

Bunı Putin Normandiyada ittifaqdaşlar orduları qonmasınıñ 70 yıllığınen bağlı tedbirler arfesinde Frenkistan kütleviy haber vastalarına bildirdi, dep haber ete Azatlıq Radiosı.

Rusiye prezidenti Amerika memuriyetini ekiyüzlülik ve Rusiyeni onıñ Ukrainada yapqanları içün Rusiyeni ayırmaq «tecavuziy» ıntıluvlarında qabaatladı.

Pütinniñ aytqanına köre, Ukraina şarqında «rus orduları ve arbiy talimatçıları yoq».

Em Putin, em de Obama Frenkistandaki tedbirlerde iştirak etecekler, lâkin olarnıñ közme-köz körüşüvi planlaştırılmay.

Hatırlatamız, prezident Barack Obama AQŞ Rusiyeniñ Qırım işğali ve Ukraina mustaqilliginiñ bozuluvını tanımağanlarını bildirdi.

Obamanıñ aytqanına köre, AQŞ «Rusiyeniñ provokatsiyaları daa beter izolâtsiya olmasınıñ sebebi olacaq ve bu memleket içün büyük zarar ketirecek», – dep qayd etti o.

Obama Varşavada Poloniya parlamentiniñ serbest saylavlarınıñ 25 yıllığına bağışlanğan tedbirlerde çıqışta bulunıp, Poloniya, Estoniya, Latviya, Litva, Romaniya iç bir vaqıt bir özleri qalmaycağını qayd ettiler.

Obama 25 yıl evelsi Poloniyada olğanlarnı Ukrainanıñ bugünki vaziyeti ile qıyasladı.

O, Qoşma Ştatlarınıñ Şarqiy ve Merkeziy Avropada Poloniya ve NATO boyunca ittifaqdaşlarınıñ havfsızlıq teminlevine qol tutqanını tasdıqladı.

Bugün Barack Obama Ukraina prezidenti saylavlarında ğalip çıqqan Petro Poroşenko ile Varşavada körüşti.
XS
SM
MD
LG