Obama ve Poroşenko Varşavada körüştiler

AQŞ prezidenti Barack Obama ve Ukrainanıñ yañı saylanğan prezidenti Petro Poroşenko çarşenbe künü Varşavada körüştiler. Tedbir mündericesi şimdilik belli degil, dep haber ete Azatlıq Radiosı.

Poroşenko ve Obama Poloniya paytahtına tünevin keldiler. Ekisi de qırımtatar halqınıñ lideri Mustafa Cemilevni «Birdemlik» mukâfatınen taqdirlev tedbirinde iştirak ettiler.

Varşavağa kelip, Barack Obama Kongresske muracaatta bulunıp, Avropada AQŞ arbiy bulunuvını arttırmaq içün sermiya ayırılmasını istedi.