Qırım «parlamenti» sürgün olunğan halqlarnıñ içtimaiy qoruvı içün azırlanğan «qanunnı» birinci oquvda qabul etti.
Matbuat hızmetiniñ malümatına köre, «1941-1944 seneleri Qırım Muhtar Sovet Sotsialistik Cumhuriyetinden mahkemeden tış millet mensüpligine köre sürgün etilgen halqlarnıñ bazı kefilleri aqqında» «qanun» qırımtatarlar, bulğar, ermeni, yunan, nemseler ve olarnıñ qoranta azaları, em de sürgünlikten soñ, ğurbetlikte doğıp Qırım Cumhuriyetine qaytıp kelgenlerniñ içtimaiy qoruvını kefil etecek.
«Qanun» Qırım Muhtar Sovet Sotsialistik Cumhuriyetiniñ sürgünlik vaqtında Qırımdan tış (arbiy hızmet, tahliye, mecburiy işlerde) bulunğan, ve sürgün olunğanlarnıñ bulunuv yerlerine yollanılğan qırımtatarlar, ermeni, bulğan, yunan ve nemselerge ait.
«İşbu qanun leyhasınıñ qabul etilmesi Rusiye Federatsiyası Prezidentiniñ 2014 senesi aprel 21-ne ait «Ermeni, bulğar, yunan, qırımtatar ve nemse halqlarınıñ reabilitatsiyası ve olarnıñ ğayrıdan tiklenüvi ve inkişafına devlet qol tutuvı aqqında» №268 emirini yerine ketirmege ve vatanına qaytıp kelgenlerni içtimaiy qoruvnen temin etmege imkân berecek», – dep aytalar Qırım «parlamentinde».
Qırım deputatı Lentun Bezaziyevniñ aytqanına köre, qanun leyhası bir kere berilecek yardımnıñ farqlı çeşitlerini nazarda tuta. Vatanğa qaytıp, topraq damartısını alğan adamlarğa şahsiy ev qurmasına bir kerelik yardım kösterilecek.
Onıñ bildirgenine köre, eñ yaqın vaqıtta mesken şaraitlerniñ eyileşmesini beklegen repatriantlarnı ayrı daire cedveline kirsetüv aqqında mesele muzakere etilecek.
Matbuat hızmetiniñ malümatına köre, «1941-1944 seneleri Qırım Muhtar Sovet Sotsialistik Cumhuriyetinden mahkemeden tış millet mensüpligine köre sürgün etilgen halqlarnıñ bazı kefilleri aqqında» «qanun» qırımtatarlar, bulğar, ermeni, yunan, nemseler ve olarnıñ qoranta azaları, em de sürgünlikten soñ, ğurbetlikte doğıp Qırım Cumhuriyetine qaytıp kelgenlerniñ içtimaiy qoruvını kefil etecek.
«Qanun» Qırım Muhtar Sovet Sotsialistik Cumhuriyetiniñ sürgünlik vaqtında Qırımdan tış (arbiy hızmet, tahliye, mecburiy işlerde) bulunğan, ve sürgün olunğanlarnıñ bulunuv yerlerine yollanılğan qırımtatarlar, ermeni, bulğan, yunan ve nemselerge ait.
«İşbu qanun leyhasınıñ qabul etilmesi Rusiye Federatsiyası Prezidentiniñ 2014 senesi aprel 21-ne ait «Ermeni, bulğar, yunan, qırımtatar ve nemse halqlarınıñ reabilitatsiyası ve olarnıñ ğayrıdan tiklenüvi ve inkişafına devlet qol tutuvı aqqında» №268 emirini yerine ketirmege ve vatanına qaytıp kelgenlerni içtimaiy qoruvnen temin etmege imkân berecek», – dep aytalar Qırım «parlamentinde».
Qırım deputatı Lentun Bezaziyevniñ aytqanına köre, qanun leyhası bir kere berilecek yardımnıñ farqlı çeşitlerini nazarda tuta. Vatanğa qaytıp, topraq damartısını alğan adamlarğa şahsiy ev qurmasına bir kerelik yardım kösterilecek.
Onıñ bildirgenine köre, eñ yaqın vaqıtta mesken şaraitlerniñ eyileşmesini beklegen repatriantlarnı ayrı daire cedveline kirsetüv aqqında mesele muzakere etilecek.
