İyün 4-de Qırım «parlamentiniñ» plenar toplaşuvında Ukraina cenüp-şarqındaki vaziyetnen bağlı daa bir qarar qabul etildi.
Beyanat metni Qırım «parlamentiniñ» saytında derc olundı.
Böyle etip, beyanatta Ukraina prezidentiniñ nevbetten tış saylavlarını tenqit ettiler, AQŞ, Avropa ve OSCE tarafından olarnıñ tanılmasını ise «tüşünmeyip acele alınğan bir qarar» dep adladılar. Qayd etmeli ki, Viktor Yanukoviç Qırım deputatları içün alâ daa qanuniy prezident ola eken.
Mında Amerika memurı John Kerryniñ «AQŞ demokratiyanıñ elde etilgen muvafaqiyetini inkişaf ettirmek içün Ukraina halqı ve memleketniñ yañı saylanğan prezidentinen iş tutacağı» aqqında sözlerini de tenqitke oğrattılar.
Qırım deputatları Kiyev akimiyetine nisbeten diplomatiyağa uymağan söz birikmelerini qullanmağa devam eteler: «Bu künleri prezident urbasını kiyip baqqan Poroşenko bey buhrannı toqtatıp, kerçek demokratiya yoluna qaytıp olurmı eken? Yazıq ki, şokolad qıralınıñ devlet yolbaşçısı sıfatında seslendirilgen sözler buña ümüt bermey. Arbiy safsatada barışıqsever eali elâk olğan memleketniñ cenüp-şarqında fikiri başqa olğan adamlarnı cezalamaq kerekligi aqqında aytıla, er bir adımnı yañı saylanğan getman «Vaşington obkomı» ile muzakere ete».
Qırım «parlamentiniñ» beyanatına binaen, «qan tökülüviniñ toqtatılması, cenk areketleriniñ rayonlarından silâlı birleşmelerniñ çıqarılması, halqara aracılarnıñ, şu cümleden Rusiye Federatsiyasından, zıddiyetni barışıq yollar vastasınen al etilmesine celp etüvi Ukraina cenüp-şarqında vaziyetni eyileştire bile».
Prezident saylavlarında reylerniñ 54% qazanğan Ukrainanıñ yañı prezidenti Petro Poroşenkonıñ inauguratsiyası cumaertesi künü, iyün 7-de, ötkerilecek.
Beyanat metni Qırım «parlamentiniñ» saytında derc olundı.
Böyle etip, beyanatta Ukraina prezidentiniñ nevbetten tış saylavlarını tenqit ettiler, AQŞ, Avropa ve OSCE tarafından olarnıñ tanılmasını ise «tüşünmeyip acele alınğan bir qarar» dep adladılar. Qayd etmeli ki, Viktor Yanukoviç Qırım deputatları içün alâ daa qanuniy prezident ola eken.
Mında Amerika memurı John Kerryniñ «AQŞ demokratiyanıñ elde etilgen muvafaqiyetini inkişaf ettirmek içün Ukraina halqı ve memleketniñ yañı saylanğan prezidentinen iş tutacağı» aqqında sözlerini de tenqitke oğrattılar.
Qırım deputatları Kiyev akimiyetine nisbeten diplomatiyağa uymağan söz birikmelerini qullanmağa devam eteler: «Bu künleri prezident urbasını kiyip baqqan Poroşenko bey buhrannı toqtatıp, kerçek demokratiya yoluna qaytıp olurmı eken? Yazıq ki, şokolad qıralınıñ devlet yolbaşçısı sıfatında seslendirilgen sözler buña ümüt bermey. Arbiy safsatada barışıqsever eali elâk olğan memleketniñ cenüp-şarqında fikiri başqa olğan adamlarnı cezalamaq kerekligi aqqında aytıla, er bir adımnı yañı saylanğan getman «Vaşington obkomı» ile muzakere ete».
Qırım «parlamentiniñ» beyanatına binaen, «qan tökülüviniñ toqtatılması, cenk areketleriniñ rayonlarından silâlı birleşmelerniñ çıqarılması, halqara aracılarnıñ, şu cümleden Rusiye Federatsiyasından, zıddiyetni barışıq yollar vastasınen al etilmesine celp etüvi Ukraina cenüp-şarqında vaziyetni eyileştire bile».
Prezident saylavlarında reylerniñ 54% qazanğan Ukrainanıñ yañı prezidenti Petro Poroşenkonıñ inauguratsiyası cumaertesi künü, iyün 7-de, ötkerilecek.
