Ukrainanıñ yañı saylanğan prezidenti Petro Poroşenko Ukraina Qırımnı qaytaracağını bildire.
«Eminim, Qırım tezden serbest olacaq, ve qırımtatarlar ukrainlilernen beraber Qırımda demokratiya ve azatlıqnı ğayrıdan quracaqlar», – dep ayttı Varşavada çıqışta bulunğan Poroşenko. O, halq deputatı, qırımtatar halqınıñ lideri Mustafa Cemilevni «Birdemlik» Poloniya mukâfatı ile taqdirlev tedbirinde iştirak etti.
«Birdemlik» mukâfatınıñ miqdarı – million yevro. Cemilevniñ aytqanına köre, para «Qırım inkişaf Fondu» vastasınen sarf etilecek.
«Aytkanım kibi, bir qısımnı, tahminen 100 biñ yevronı, men «Nebesnaya sotnâ» ve terrorizmge qarşı tedbirler devamında elâk olğanlarnıñ qorantalarına bermege isteyim», – dep bildirdi o.
Mustafa Cemilev bu mukâfatnı qırımtatar halqı ve Ukrainağa kösterilgen maneviy yardım olaraq tanıdı.
«Eminim, Qırım tezden serbest olacaq, ve qırımtatarlar ukrainlilernen beraber Qırımda demokratiya ve azatlıqnı ğayrıdan quracaqlar», – dep ayttı Varşavada çıqışta bulunğan Poroşenko. O, halq deputatı, qırımtatar halqınıñ lideri Mustafa Cemilevni «Birdemlik» Poloniya mukâfatı ile taqdirlev tedbirinde iştirak etti.
«Birdemlik» mukâfatınıñ miqdarı – million yevro. Cemilevniñ aytqanına köre, para «Qırım inkişaf Fondu» vastasınen sarf etilecek.
«Aytkanım kibi, bir qısımnı, tahminen 100 biñ yevronı, men «Nebesnaya sotnâ» ve terrorizmge qarşı tedbirler devamında elâk olğanlarnıñ qorantalarına bermege isteyim», – dep bildirdi o.
Mustafa Cemilev bu mukâfatnı qırımtatar halqı ve Ukrainağa kösterilgen maneviy yardım olaraq tanıdı.
