Çarşenbe künü, iyün 4-de, saat 19.00 içtimaiy faaller Ukrainadaki Frenkistan elçihanesi yanında Qırımda qanunsız alda yaqalanğan faallerge qol tutmaq muracaatınen piket ötkerecekler, dep haber ete UNN.
«Vaqtınca işğal etilgen Qırım ve Rusiye imperatorlığınıñ akimiyeti ukrain faallerini qullanıp, diger faallerni qorquzacaq ola. «Terroristler» cedveline Qırım işğalini tanımağan ve millet mensüpligi, til ve dinge baqmadan yarımadada qalğan insanlar kirsetile», – dep qayd eteler faaller.
İyün 6-da Frenkistanda Normandiyada ittifaqdaşlar orduları qonmasınıñ 70 yıllığınen bağlı tedbirler ötkerilecek. Bu tedbirlerge Rusiye Prezidenti Vladimir Putin davet etildi.
«Onıñ içün Ukraina vatandaşları Frenkistan ükümetine muracaatta bulunıp, 200 yıl evelsi dünyağa «İnsan ve vatandaş aqları aqqında Beyannameni» bağışlağan memleket bu vaziyetke lâqayt qalmamaq kerek ve qabaatsız Qırım faalleriniñ azat etilmesini talap etmek kerek», – dep aytalar piket teşkilâtçıları.
Bu sene mayıs ayınıñ ortasında Aqmescitte Rusiye mahsus hızmetleriniñ hadimleri cemaat faallerini – ukrain kinorejissöri Oleg Sentsov, Aleksandr Kolçenko ve digerlerini yaqaladı. Er birini Qırımda terakt azırlanmasında qabaatlaylar. Yaqalanğanlarnı Moskvağa alıp ketip, apshanede tutalar ve eñ yaqın vaqıtta olarnıñ qabaatını seslendirecekler.
Ukraina tış işler Nazirligi Rusiyeni Qırım siyasiy mabüslerni azat etmege çağırdı. Bundan ğayrı, Ğarpqa da bunıñnen bağlı muracaat yollanıldı, Ukraina şeerlerinde ise Qırımnıñ siyasiy mabüslerine qol tutuv aktsiyaları keçirildi.
«Vaqtınca işğal etilgen Qırım ve Rusiye imperatorlığınıñ akimiyeti ukrain faallerini qullanıp, diger faallerni qorquzacaq ola. «Terroristler» cedveline Qırım işğalini tanımağan ve millet mensüpligi, til ve dinge baqmadan yarımadada qalğan insanlar kirsetile», – dep qayd eteler faaller.
İyün 6-da Frenkistanda Normandiyada ittifaqdaşlar orduları qonmasınıñ 70 yıllığınen bağlı tedbirler ötkerilecek. Bu tedbirlerge Rusiye Prezidenti Vladimir Putin davet etildi.
«Onıñ içün Ukraina vatandaşları Frenkistan ükümetine muracaatta bulunıp, 200 yıl evelsi dünyağa «İnsan ve vatandaş aqları aqqında Beyannameni» bağışlağan memleket bu vaziyetke lâqayt qalmamaq kerek ve qabaatsız Qırım faalleriniñ azat etilmesini talap etmek kerek», – dep aytalar piket teşkilâtçıları.
Bu sene mayıs ayınıñ ortasında Aqmescitte Rusiye mahsus hızmetleriniñ hadimleri cemaat faallerini – ukrain kinorejissöri Oleg Sentsov, Aleksandr Kolçenko ve digerlerini yaqaladı. Er birini Qırımda terakt azırlanmasında qabaatlaylar. Yaqalanğanlarnı Moskvağa alıp ketip, apshanede tutalar ve eñ yaqın vaqıtta olarnıñ qabaatını seslendirecekler.
Ukraina tış işler Nazirligi Rusiyeni Qırım siyasiy mabüslerni azat etmege çağırdı. Bundan ğayrı, Ğarpqa da bunıñnen bağlı muracaat yollanıldı, Ukraina şeerlerinde ise Qırımnıñ siyasiy mabüslerine qol tutuv aktsiyaları keçirildi.
