Qırımtatar Meclisiniñ sabıq reisi Mustafa Cemilevniñ AQŞ prezidenti Barack Obama ile körüşüvi büs-bütün provokatsiya sayıla, dep bildirdi Qırımnıñ «baş nazir muavini» Ruslan Balbek.
Bunı Qırım «akimiyetine» yaqın olğan «Krıminform» saytı bildire.
«Mustafa Cemilev aqqında aytacaq olsaq, onıñ Barack Obama ile körüşüvi 23 yıldan berli qırımtatarlarnı siyasiy maqsatlarnen qullanıp, alıp barğan dağıtuv faaliyetiniñ devamı ola. Böyleliknen, o, insanlarnıñ duyğularını bir şey saymayıp, qırımtatarlarnıñ menfaatlarını ihmal etip, diger devletlerniñ menfaatları içün çalıştı ve çalışmağa devam ete. Körüşüvni ise yalıñız provokatsiya olaraq adlandırmaq mümkün», – dedi Balbek.
«Baş nazir muavini» qayd etti ki, bu şeyler Rusiye Federatsiyasınıñ prezidenti tarafından qırımtatarlarnıñ aq-uquqlarını ğayrıdan tiklev ve olarnıñ abadanlaştıruvı boyunca faal iş alıp barğan vaqıtta olıp keçe.
Balbek Rusiye prezidentiniñ sürgün olunğan halqlar reabilitatsiyası aqqında emirini hatırladı. O, dedi ki, qırımtatarlar Rusiyeniñ uquq saasınen faal sürette bağ qura. Onıñ bildirgenine köre, qırımtatar ealisiniñ 60-70% Rusiye vatandaşlarınıñ pasportını aldı.
Balbek Cemilevniñ Ğarpnen olğan munasebetlerini «provokatsion aktsiyalar ve qırımlılarnıñ saylavını ihmal etip, Rusiyege qarşı informatsion cenkni başlağan halqara institutsiyalar ile bağ tutqanını» ayttı.
Balbek emin, Qırımtatar Milliy Meclisini grantlar esasında maliye etüvi «qırımtatarlar içün zararlı olğan siyasiy leyhalarğa çevirildi».
«Cemilev, şübesiz, itibarlı bir adam. Onıñ vazifesi – Qırımdaki vaziyetni kerginleştirmektir. Böyle etip, o, teşkilâtnıñ siyasiy yolunı belgilegen ğarp saipleriniñ vazifelerini yerine ketire», – dep ayttı «baş nazir muavini».
Balbek dey ki, Cemilevni qarşılağan qırımtatarlarnı ondan sebep cezaladılar.
Onıñ malümatına köre, Cemilev «qırımtatarlarnı akimiyetke qarşı çıqmağa çağırıp, Ukraina Yuqarı Radasınıñ spikeri olacaq ola».
Qırımtatar Milliy Meclisine qarşı çıqqan Ruslan Balbek namzeti Meclis tarafından teklif etilgen Lenur İslâmovnıñ yerine Qırımnıñ «baş nazir muavini» vazifesine tayin etildi.
Salı künü, iyün 3-de, qırımtatalarnıñ lideri Mustafa Cemilev Varşavada «Birdemlik» mukâfatını elde etti. Onıñ miqdarı million yevronı teşkil ete. Cemilevniñ aytqanına köre, bu paranıñ bir qısmı «Qırım inkişaf fondu» vastasınen Maydanda can bergen insanlarnıñ qorantalarına berilecek.
Poloniyada Cemilev AQŞ prezidenti Barack Obama ile körüşti. Qırımtatarlarnıñ lideri Amerika prezidentine muracaat etip, Qırımnı işğal etken Rusiyege qarşı cezalarnı quvetleştirmege rica etecegini bildirgen edi.
Bunı Qırım «akimiyetine» yaqın olğan «Krıminform» saytı bildire.
«Mustafa Cemilev aqqında aytacaq olsaq, onıñ Barack Obama ile körüşüvi 23 yıldan berli qırımtatarlarnı siyasiy maqsatlarnen qullanıp, alıp barğan dağıtuv faaliyetiniñ devamı ola. Böyleliknen, o, insanlarnıñ duyğularını bir şey saymayıp, qırımtatarlarnıñ menfaatlarını ihmal etip, diger devletlerniñ menfaatları içün çalıştı ve çalışmağa devam ete. Körüşüvni ise yalıñız provokatsiya olaraq adlandırmaq mümkün», – dedi Balbek.
«Baş nazir muavini» qayd etti ki, bu şeyler Rusiye Federatsiyasınıñ prezidenti tarafından qırımtatarlarnıñ aq-uquqlarını ğayrıdan tiklev ve olarnıñ abadanlaştıruvı boyunca faal iş alıp barğan vaqıtta olıp keçe.
Balbek Rusiye prezidentiniñ sürgün olunğan halqlar reabilitatsiyası aqqında emirini hatırladı. O, dedi ki, qırımtatarlar Rusiyeniñ uquq saasınen faal sürette bağ qura. Onıñ bildirgenine köre, qırımtatar ealisiniñ 60-70% Rusiye vatandaşlarınıñ pasportını aldı.
Balbek Cemilevniñ Ğarpnen olğan munasebetlerini «provokatsion aktsiyalar ve qırımlılarnıñ saylavını ihmal etip, Rusiyege qarşı informatsion cenkni başlağan halqara institutsiyalar ile bağ tutqanını» ayttı.
Balbek emin, Qırımtatar Milliy Meclisini grantlar esasında maliye etüvi «qırımtatarlar içün zararlı olğan siyasiy leyhalarğa çevirildi».
«Cemilev, şübesiz, itibarlı bir adam. Onıñ vazifesi – Qırımdaki vaziyetni kerginleştirmektir. Böyle etip, o, teşkilâtnıñ siyasiy yolunı belgilegen ğarp saipleriniñ vazifelerini yerine ketire», – dep ayttı «baş nazir muavini».
Balbek dey ki, Cemilevni qarşılağan qırımtatarlarnı ondan sebep cezaladılar.
Onıñ malümatına köre, Cemilev «qırımtatarlarnı akimiyetke qarşı çıqmağa çağırıp, Ukraina Yuqarı Radasınıñ spikeri olacaq ola».
Qırımtatar Milliy Meclisine qarşı çıqqan Ruslan Balbek namzeti Meclis tarafından teklif etilgen Lenur İslâmovnıñ yerine Qırımnıñ «baş nazir muavini» vazifesine tayin etildi.
Salı künü, iyün 3-de, qırımtatalarnıñ lideri Mustafa Cemilev Varşavada «Birdemlik» mukâfatını elde etti. Onıñ miqdarı million yevronı teşkil ete. Cemilevniñ aytqanına köre, bu paranıñ bir qısmı «Qırım inkişaf fondu» vastasınen Maydanda can bergen insanlarnıñ qorantalarına berilecek.
Poloniyada Cemilev AQŞ prezidenti Barack Obama ile körüşti. Qırımtatarlarnıñ lideri Amerika prezidentine muracaat etip, Qırımnı işğal etken Rusiyege qarşı cezalarnı quvetleştirmege rica etecegini bildirgen edi.
