Link açıqlığı

Lugansk vilâyet devlet memuriyetiniñ binasında patlav yüz berdi


«Lugansk halq cumhuriyeti» taqımınen zapt etilgen Lugansk vilâyet devlet memuriyetiniñ binasında patlav yüz berdi, dep haber ete Azatlıq Radiosı.

Terrorizmge qarşı tedbirlerniñ matbuat zabiti Aleksey Dmitraşevskiyniñ bildirgenine köre, patlav Lugansk vilâyet devlet memuriyetiniñ binası içinde yüz berdi, tıştan ateş açılmağan edi.

Azatlıq Radiosınıñ mühbiri bildire ki, Lugansktaki OGA binası bayağı zarar kördi.

Binanıñ üçünci qatında divarda teşik peyda oldı, şimdi andan tuman çıqa. Patlav qurbanları aqqında bir de bir malümat yoq.

Vaqia yerine yanğıncılar ve «acele yardım» keldiler. Binanı «Lugansk halq cumhuriyetiniñ» boyevikleri sarıp aldı, ve adamlarnı andan quvalar.

Vaqia yerinde bulunğan bazı şaatlar bildirdiler ki, patlavdan evel şeer üzerinde Su-25 ücümci uçaqnı kördiler.
XS
SM
MD
LG