İyün 2-den başlap işğal etilgen Aqmescitte trolleybuslara yol parası paalılaştı.
Böylece, endiden soñ bilet fiyatı 5 rubleni teşkil ete, bundan evel ise onıñ fiyatı 1,25 grn. (3,75 ruble) teşkil ete edi. «Krımtrolleybus» müessisesi ve «Nazirler şurası» fiyatlar artmasını izaatlamaylar, dep bildire «KİA» neşiri.
Mayıs soñunda Aqmescitte şeerniñ marşrut taksilerinde yañı tarifler belgilendi. Böyle bir qararnı Aqmescit şeer şurasınıñ icra komiteti qabul etti. İyün 1-den başlap Aqmescit marşrutkalarında yol parası 10 rubleni teşkil ete.
Hatırlatamız, iyün 1-den başlap işğal etilgen Qırımda «resmiy» para birlemi Rusiye rublesi ola.
Rusiye prezidenti Vladimir Putinniñ emirine binaen, iyün 1-den başlap Qırımda ukrain para birlemi – grivna – qullanması toqtatıla. Bundan evel o yarımadada 2016 senesi yanvarniñ 1-ne qadar qullanılacağını bildirgen ediler.
Qırım ealisiniñ ekseriyeti grivnadan qutulmaq içün ticaret merkezleri ve tükânlarğa aşıqtılar.
Mayısnıñ soñki künleri Qırımnıñ bir sıra tükânları bütünley ruble birlemine keçti. Müşterilerni böyle yañılıq quvandırmadı. Qaytım bermek içün Rusiye kapikleri yetişmey.
Qayd etmeli ki, bazarlarda satıcılar grivnanı alâ daa qabul eteler.
Böylece, endiden soñ bilet fiyatı 5 rubleni teşkil ete, bundan evel ise onıñ fiyatı 1,25 grn. (3,75 ruble) teşkil ete edi. «Krımtrolleybus» müessisesi ve «Nazirler şurası» fiyatlar artmasını izaatlamaylar, dep bildire «KİA» neşiri.
Mayıs soñunda Aqmescitte şeerniñ marşrut taksilerinde yañı tarifler belgilendi. Böyle bir qararnı Aqmescit şeer şurasınıñ icra komiteti qabul etti. İyün 1-den başlap Aqmescit marşrutkalarında yol parası 10 rubleni teşkil ete.
Hatırlatamız, iyün 1-den başlap işğal etilgen Qırımda «resmiy» para birlemi Rusiye rublesi ola.
Rusiye prezidenti Vladimir Putinniñ emirine binaen, iyün 1-den başlap Qırımda ukrain para birlemi – grivna – qullanması toqtatıla. Bundan evel o yarımadada 2016 senesi yanvarniñ 1-ne qadar qullanılacağını bildirgen ediler.
Qırım ealisiniñ ekseriyeti grivnadan qutulmaq içün ticaret merkezleri ve tükânlarğa aşıqtılar.
Mayısnıñ soñki künleri Qırımnıñ bir sıra tükânları bütünley ruble birlemine keçti. Müşterilerni böyle yañılıq quvandırmadı. Qaytım bermek içün Rusiye kapikleri yetişmey.
Qayd etmeli ki, bazarlarda satıcılar grivnanı alâ daa qabul eteler.
