Link açıqlığı

Saatnıñ esas haberi

Çubarovnıñ muavini Mecliste vaqtınca yolbaşçılıq etecek


Qırımtatar Milliy Mecliste reislikni vaqtınca Ahtem Çiygoz eda etecek.

Meclis reisi Refat Çubarovnıñ bunıñnen bağlı emiri qırımtatarlarnıñ temsil organı saytında yerleştirildi.

Vesiqada qayd etilgenine köre, bu qararnıñ sebebi Çubarovnıñ Qırımdan tış iş yollanması oldı, ve Qırımtatar Milliy Meclisi aqqında Nizamnamege esaslana.

«Qırımtatar Milliy Meclisiniñ reis muavini Çiygoz Ahtemge 2014 senesi iyün 2-den 2014 senesi iyün 7-ne qadar Meclis reisi vazifelerini eda etmege avale etildi», – dep aytıla buyruqta.

Qırım kütleviy haber vastalarınıñ malümatına köre, Çubarov qırımtatar halqınıñ lideri, Ukraina halq deputatı Mustafa Cemilevni «Birdemlik mukâfatı» Poloniya mukâfatınen taqdirlev merasiminde iştirak etecek.

Merasim Varşavada ötkerilecek. Tedbirde Poloniya, AQŞ, Frenkistan ve Ukrainanıñ yañı saylanğan prezidenti Petro Poroşenko iştirak etecekler.
XS
SM
MD
LG