Ukrain yırcısı, qırımlı Jamala, Art namzetliginde medeniyet inkişafı ve barışıq pekitilmesine qoşqan issesi içün Red Apple Awards meşur mukâfatına nail oldı.
Bu mukâfatnı Jamala qırımtatarlarğa – kene de ağır künlerni yaşağan adamlarğa – bağışlamağa qarar aldı.
Bunı o, Facebook saifesinde yazdı.
«Sanada olıp, men bu mukâfatnı tarihiy vatanda aq-uquqları içün küreşken halqıma bağışlağanımnı ayttım! Ve yırladım. Meni gamdan azat eyle ... canlı. Mence, bu yır bu akustika içün yazılğan», – dep yazdı yırcı.
