Öz başına ilân etilgen Abhaziya Cumhuriyetiniñ prezidenti Aleksandr Ankvab istifağa çıqtı, dep haber ete Azatlıq Radiosı.
O, halqına muracaat etip, istifağa çıqıp, cumhuriyette istiqrarnı saqlaycağını bildirdi.
Mayıs 31-de Abhaziya parlamenti Ankvabnı prezident vazifelerini eda etip olamağan birisi dep tanıdı, ve bu vazifege spiker Valeriy Bganbeni tayin etti. Nevbetten tış prezident saylavlarınıñ keçirilmesi ise avgust 24-ne belgilendi.
Bu qararlarnı Ankvab anayasağa uymağan bir şey dep adladı.
Mayıs 27-den başlap, muhalifet tarafdarları Suhumide yerleşken prezident memuriyetiniñ binasına ücüm etken soñ, o Gudautadaki Rusiye arbiy bazasında saqlandı.
Abhaziya muhalifeti cumhuriyet reberligini qabarcılıq ve islâatlar keçirilmesine keder etkeninde qabaatlap, onıñ istifasını talap etti.
Abhaziya 1993 senesi bir taraf olaraq Gürcistandan mustaqil olğanını ilân etti.
2008 senesi, Rusiye ve Gürcistan arasında silâlı çatışmadan soñ, cumhuriyet mustaqilligini Rusiye tanıdı, soñra daa üç devlet – Nikaragua, Venesuela ve Nauru.
BMT Baş Assambleyasınıñ rezolütsiyalarına binaen, Abhaziya Gürcistannıñ bir qısmı ola.
O, halqına muracaat etip, istifağa çıqıp, cumhuriyette istiqrarnı saqlaycağını bildirdi.
Mayıs 31-de Abhaziya parlamenti Ankvabnı prezident vazifelerini eda etip olamağan birisi dep tanıdı, ve bu vazifege spiker Valeriy Bganbeni tayin etti. Nevbetten tış prezident saylavlarınıñ keçirilmesi ise avgust 24-ne belgilendi.
Bu qararlarnı Ankvab anayasağa uymağan bir şey dep adladı.
Mayıs 27-den başlap, muhalifet tarafdarları Suhumide yerleşken prezident memuriyetiniñ binasına ücüm etken soñ, o Gudautadaki Rusiye arbiy bazasında saqlandı.
Abhaziya muhalifeti cumhuriyet reberligini qabarcılıq ve islâatlar keçirilmesine keder etkeninde qabaatlap, onıñ istifasını talap etti.
Abhaziya 1993 senesi bir taraf olaraq Gürcistandan mustaqil olğanını ilân etti.
2008 senesi, Rusiye ve Gürcistan arasında silâlı çatışmadan soñ, cumhuriyet mustaqilligini Rusiye tanıdı, soñra daa üç devlet – Nikaragua, Venesuela ve Nauru.
BMT Baş Assambleyasınıñ rezolütsiyalarına binaen, Abhaziya Gürcistannıñ bir qısmı ola.
