Link açıqlığı

Bugün Slavânsk şeerinde uruşlar yañıdan başlandı. «Ukrainskaya pravda» vaqia şaatlarınıñ aytqanlarına esaslanıp bildire ki, pülemöt, patlav, atış, vertolöt davuşları eşitile.

Terrorizmge qarşı tedbirler ştabınıñ vekili Vladislav Seleznöv Facebook saifesinde bildirgenine köre, boyevikler ATO tarafından zapt etilgen şeerden çıqmaq ıntıluvlarını toqtamaylar. Onıñ aytqanına köre, separatistler keçken gece Slavânsk civarındaki ukrain blokpostlarına qarşı eki kere ateş açtılar.

«İnterfaks» Slavânsk «halq taqımlarınıñ ştabına» esaslanıp bildire ki, gece yüz bergen çatışma neticesinde eki adam elâk oldı ve dört kişi yaralandı.
XS
SM
MD
LG